"Brayton" yarim himoyachisi tez orada yangi jamoasida tibbiy ko‘rikdan o‘tishi kerak.
Jurnalist Fabrisio Romano xabariga ko‘ra, "Liverpul" argentinalik futbolchining transfer jarayonini bugunga belgilab qo‘ygan.
Eslatib o‘tamiz, avvalroq Makallister Yurgen Klopp jamoasiga 60 million yevrodan ko‘proq mablag‘ evaziga o‘tishi haqida xabar berilgandi.
"Liverpul" Brayton va Aleksisning o‘zi bilan shartnomaning barcha jihatlari bo‘yicha kelishib oldi.
Argentinalik futbolchi mersisaydliklarning yozgi mavsum oralig‘idagi ilk transferi bo‘lishi kerak.
"Liverpul" Makallisterdan tashqari yana bir yarim himoyachini sotib olmoqchi. Avvalroq, jamoa Dortmundning «Borussiya» klubidan Jud Bellingem uchun kurashni tark etgandi.
