"Брайтон" ярим ҳимоячиси тез орада янги жамоасида тиббий кўрикдан ўтиши керак.
Журналист Фабрицио Романо хабарига кўра, "Ливерпуль" аргентиналик футболчининг трансфер жараёнини бугунга белгилаб қўйган.
Эслатиб ўтамиз, аввалроқ Макаллистер Юрген Клопп жамоасига 60 миллион евродан кўпроқ маблағ эвазига ўтиши ҳақида хабар берилганди.
"Ливерпуль" Брайтон ва Алексиснинг ўзи билан шартноманинг барча жиҳатлари бўйича келишиб олди.
Аргентиналик футболчи мерсисайдликларнинг ёзги мавсум оралиғидаги илк трансфери бўлиши керак.
"Ливерпуль" Макаллистердан ташқари яна бир ярим ҳимоячини сотиб олмоқчи. Аввалроқ, жамоа Дортмунднинг «Боруссия» клубидан Жуд Беллингем учун курашни тарк этганди.
