"Real Madrid" kelasi mavsum uchun yangi liboslar to‘plamini hali ma’lum qilmadi.
Sababi, taqdimot videosida Karim Benzema va Marko Asensio rol o‘ynagan edi. Bu futbolchilar Madrid klubini tark etishi ma’lum bo‘ldi. Shu sababli yangi rolik hali efir yuzini ko‘rmadi.
2022/2023 yilgi mavsumda "Real Madrid" Ispaniya chempionatida ikkinchi o‘rinni egalladi. Chempionlar ligasida Karlo Anchelotti shogirdlari yarim finalgacha etib borgan va u yerda “Manchester Siti”ga imkoniyatni boy bergan (1:1, 0:4).
Shu bilan birga, "qaymoqranglilar" Ispaniya kubogini qo‘lga kiritishga muvaffaq bo‘ldi.
