"Реал Мадрид" келаси мавсум учун янги либослар тўпламини ҳали маълум қилмади.
Сабаби, тақдимот видеосида Карим Бензема ва Марко Асенсио роль ўйнаган эди. Бу футболчилар Мадрид клубини тарк этиши маълум бўлди. Шу сабабли янги ролик ҳали эфир юзини кўрмади.
2022/2023 йилги мавсумда "Реал Мадрид" Испания чемпионатида иккинчи ўринни эгаллади. Чемпионлар лигасида Карло Анчелотти шогирдлари ярим финалгача этиб борган ва у ерда “Манчестер Сити”га имкониятни бой берган (1:1, 0:4).
Шу билан бирга, "қаймоқранглилар" Испания кубогини қўлга киритишга муваффақ бўлди.
