"Roma" "Lion"dan yarim himoyachi Ussem Auarni o‘z safiga qo‘shib olganini e’lon qilishga tayyorlanmoqda. Bu haqda nufuzli insayder Fabrisio Romano ijtimoiy tarmoqlarda xabar berdi.

Auarning A Seriya klubi bilan shartnomasi 2027/2028 yilgi mavsum oxirigacha amal qiladi.

Aytish joizki, mish-mishlar Auarni "Roma" bilan juda uzoq vaqt bog‘lagandi. Iyun oyi oxirida 25 yoshga to‘ladigan fransiyalik futbolchi butun faoliyatini "Lion"da o‘tkazdi.

Auar "sherlar"ning asosiy jamoasida 233 o‘yin o‘tkazib, 41 gol urgan va 36 golga assistentlik qilgan.