"Рома" "Лион"дан ярим ҳимоячи Уссем Ауарни ўз сафига қўшиб олганини эълон қилишга тайёрланмоқда. Бу ҳақда нуфузли инсайдер Фабрицио Романо ижтимоий тармоқларда хабар берди.
Ауарнинг А Серия клуби билан шартномаси 2027/2028 йилги мавсум охиригача амал қилади.
Айтиш жоизки, миш-мишлар Ауарни "Рома" билан жуда узоқ вақт боғлаганди. Июнь ойи охирида 25 ёшга тўладиган франциялик футболчи бутун фаолиятини "Лион"да ўтказди.
Ауар "шерлар"нинг асосий жамоасида 233 ўйин ўтказиб, 41 гол урган ва 36 голга ассистентлик қилган.
