"Lans" hujumchisi Loi Openda "Leypsig"ga o‘tishga yaqin turibdi.
Insayder Fabrisio Romanoning xabar berishicha, Openda "buqalar" bilan shaxsiy shartnoma shartlarini kelishib olgan. Shartnoma 2028 yilning iyunigacha amal qiladi.
Xabar qilinishicha, klublar o‘rtasida muzokaralar davom etmoqda. Hujumchiga Italiyaning bir qancha klublari ham qiziqish bildirayotgandi - xususan, avvalroq "Milan"dan qiziqish haqida ma’lumotlar paydo bo‘lgandi.
Openda 2022/23 yilgi mavsumda Liga 1da 38 ta o‘yinda 21 ta gol urgan “Lans”ning eng yaxshi to‘purari bo‘lgan. Liga 1 to‘purarlarining umumiy reytingida belgiyalik 4-o‘rinni egalladi.
