"Ланс" ҳужумчиси Лои Опенда "Лейпциг"га ўтишга яқин турибди.
Инсайдер Фабрицио Романонинг хабар беришича, Опенда "буқалар" билан шахсий шартнома шартларини келишиб олган. Шартнома 2028 йилнинг июнигача амал қилади.
Хабар қилинишича, клублар ўртасида музокаралар давом этмоқда. Ҳужумчига Италиянинг бир қанча клублари ҳам қизиқиш билдираётганди - хусусан, аввалроқ "Милан"дан қизиқиш ҳақида маълумотлар пайдо бўлганди.
Опенда 2022/23 йилги мавсумда Лига 1да 38 та ўйинда 21 та гол урган “Ланс”нинг энг яхши тўпурари бўлган. Лига 1 тўпурарларининг умумий рейтингида бельгиялик 4-ўринни эгаллади.
