Londonning "Chelsi" klubi yaqin kunlarda "Brayton" yarim himoyachisi Moyses Kaysedoning transferi ustida jiddiy ish boshlaydi. Jurnalist Ben Jeykobsning so‘zlariga ko‘ra, “aristokratlar” Manuel Ugarteni qo‘ldan chiqargach, rahbariyatning e’tibori butunlay Kaysedoning transferiga qaratilgan.
Avvalroq Kaysedo 90 million yevrodan ko‘proq summa evaziga qo‘yib yuborilishi qayd etilgandi. Moysesga "Arsenal" va "Nyukasl" ham qiziqish bildirmoqda, shuning uchun "Chelsi"ga kurashda g‘alaba qozonish oson bo‘lmaydi.
Eslatib o‘tamiz, yanvar oyi oxirida Kaysedo "Arsenal"ga o‘tmoqchi edi, ammo ekvadorlik futbolchining Mikel Arteta jamoasiga o‘tishi amalga oshmadi.
