Лондоннинг "Челси" клуби яқин кунларда "Брайтон" ярим ҳимоячиси Мойсес Кайседонинг трансфери устида жиддий иш бошлайди. Журналист Бен Жейкобснинг сўзларига кўра, “аристократлар” Мануэль Угартени қўлдан чиқаргач, раҳбариятнинг эътибори бутунлай Кайседонинг трансферига қаратилган.
Аввалроқ Кайседо 90 миллион евродан кўпроқ сумма эвазига қўйиб юборилиши қайд этилганди. Мойсесга "Арсенал" ва "Ньюкасл" ҳам қизиқиш билдирмоқда, шунинг учун "Челси"га курашда ғалаба қозониш осон бўлмайди.
Эслатиб ўтамиз, январь ойи охирида Кайседо "Арсенал"га ўтмоқчи эди, аммо эквадорлик футболчининг Микель Артета жамоасига ўтиши амалга ошмади.