«Real» klubi Ispaniya chempionatining joriy mavsumida "feyr-pley" sovrinini qo‘lga kiritdi. "Qaymoqranglilar" ketma-ket ikkinchi mavsumda halol o‘yini sovriniga ega chiqmoqda.

Ispaniya qirollik futbol federasiyasi tomonidan tuzilgan reytingda "Real" eng yuqori pog‘onani egalladi. Bunda sariq kartochka uchun 1 ball, qizil kartochka uchun 3 ball berildi. Agar o‘yinchining diskvalifkasiyalari soni 3ta o‘yindan oshgan bo‘lsa, uchinchidan keyingi har bir o‘yinchi uchun jamoaga bittadan qo‘shimcha jarima balli berildi.

Mavsum-2022/23da «Real» futbolchilari 68ta sariq, ikkita qizil kartochka olishdi. «Madrid» futbolchisi to‘g‘ridan-to‘g‘ri qizil kartochka olmagan La liganing yagona klubi bo‘ldi («Valensiya»ga qarshi o‘yinda Vinisius Juniorga ko‘rsatilgan qizil kartochka keyinchalik bekor qilindi). Klubning olti o‘yinchisi mavsum davomida sariq kartochkalari yig‘ilgani uchun bittadan o‘yinni o‘tkazib yubordi.

Natijada «Real» eng kam jarima balli to‘pladi – 80. Bu borada «Vilyarreal» (104) va «Atletik» (113) klublari keyingi pog‘onalarni egallashdi.