"Bavariya" himoyachi Lyuka Ernandesning kelajagi borasida 14 iyungacha qaror qabul qilishni rejalashtirmoqda.
Manbaga ko‘ra, shu sanaga qadar "Bavariya" himoyachi bilan shartnomani uzaytirish borasida kelishib olishi yoki uning "PSJ"ga o‘tishi bo‘yicha muzokaralarda oldinga siljishi kerak.
27 yoshli himoyachining “Bavariya” bilan shartnomasi kelasi yozda yakuniga yetadi.
Ernandes o‘tgan mavsumda barcha turnirlarda 11 ta o‘yinda maydonga tushib, 1 ta gol urdi va 1 ta golli uzatmani amalga oshirdi. U 2019 yildan beri nemis klubida o‘ynab kelmoqda.