“Manchester Siti” 2022/2023 yilgi Chempionlar Ligasi g‘olibi! “Shaharliklar” Yevropaning asosiy kubogini qo‘lga kiritgan 23-jamoaga aylandi. “Siti” tarixda treblga erishgan 10-klub bo‘ldi. Gvardiola jamoasining muvaffaqiyati haqidagi Yevropa matbuoti nimalar deyapti?
The Guardian nashrining ta’kidlashicha, "Siti" juda uzoq vaqtdan beri Chempionlar ligasi sovrini ortidan yuribdi: "Manchester Siti” uchun bu shon-sharaf toji, ular cho‘qqiga ko‘tarilishni istagan kubok. Ko‘pincha klublar Chempionlar ligasida g‘alaba qozonishidan oldin azoblanishi kerakligi aytiladi. “Siti” buni amalga oshirdi. Yevropa elitasida va oldindan aytib bo‘lmaydigan raqobatda ichki ustunlik hech qanday kafolat emas edi".
“Hatto buyuk futbolchilar qanday qilib abadiylikka kirishlarini tanlamaydilar va “Manchester Siti” yigitlari shanba oqshomida olov, suv va mis quvurlardan o‘tishdi, ular odatdagi sehrlarini ko‘rsatishmadi. Ammo oxir-oqibat ularning izlanishlari muvaffaqiyatli bo‘ldi. "Siti"ning g‘alabasi ma’lum bir futbol g‘oyasining natijasi bo‘lib ko‘rinadi va Gvardiola "Barselona"dan ketganidan beri ta’qib qilgan la’natni yo‘q qiladi” - deydi L'Equipe. jurnalisti.
Italiyaning La Gazzetta dello Sport nashri Gvardiola uchun xursand, biroq “Siti” finalda boshqa o‘yinlarga nisbatan kuchsiz ko‘rindi, deb ta’kidladi: “Gvardiola o‘zining uchinchi Chempionlar ligasini qo‘lga kiritdi. Bunday imkoniyatni qo‘ldan boy berish kechirilmas bo‘lar edi. Pep mo‘’jizalar ko‘rsatmasdan uni uyiga olib keldi. Bu safar eng buyuk murabbiy uchun ham faqat natija muhim edi”.
“Manchester Siti” Yevropaning eng yaxshi jamoasi. Bu ular uchun hamma narsa edi va Istanbulda yarim tunga besh daqiqa qolganda ular Everestga ko‘tarilishdi”, deb yozadi Manchester Evening News “Siti”ning g‘alabasini dunyodagi eng baland toqqa chiqishga qiyosladi.
Corriere della Sera jamoasi finalda yoqimli syurpriz bo‘lgan "Inter" bosh murabbiyi Simone Indzagini alohida ta’kidladi: "Chempionlar ligasi finalida ko‘pchilik uzoq vaqtdan beri mensimaydigan murabbiy Eynshteyn - Gvardiola futbolini 60 daqiqa o‘ldirishga muvaffaq bo‘ldi".
Barcha OAVlarning qahramoni Xosep Gvardiola. BBC Sport jasorat bilan ispaniyalikni futbol tarixidagi eng yaxshi murabbiy deb atadi: “Gvardiola – futbol tarixidagi eng buyuk murabbiy. U doimo nimadir yutayotgani uchun emas - 35 ta yirik sovrin va ularning soni o‘sishda davom etmoqda, u futbolni o‘zgartirgani uchun”.
“Gvardiola kubokni Indzagidan oldi, ammo hech kim “Inter” muxlislarning ongi va qalbidan o‘chira olmaydi. "Inter" Chempionlar ligasida g‘alaba qozongan so‘nggi Italiya klubi bo‘lishdan tashqari, finalda ham uni yutqazgan oxirgi klub bo‘ldi. Ammo Istanbulda "Inter" tarixidagi eng yaxshi mag‘lubiyatga uvhradi”, deb yozdi Calciomercato.
Ispaniyaning AS nashri Rodrini alohida ta’kidladi: "Bu yil Rodri yanada yaxshilandi. U noyob futbolchi, Gvardiola sxemasi uchun u mutlaqo asosdir. Bundan buyon hech kim jahon darajasidagi yarim himoyachilar haqida gapirganda Rodrini unuta olmaydi.
Tuttosport nashri “Yuventus” afsonasi Alessandro Del Pyeroning final natijasini sarhisob qilganidan iqtibos keltiradi: “Pep Gvardiola “Manchester Siti” o‘ynagan eng xunuk o‘yinda g‘alaba qozondi”.
