O‘zbekiston terma jamoasi bosh murabbiyi Srechko Katanes O‘monga qarshi bo‘lib o‘tgan CAFA Nation's Cup doirasidagi o‘yindan so‘ng matbuot anjumanida ishtirok etdi.

"Yigitlardan juda mamnunman. Ular o‘z o‘yinini namoyish eta oldi. Ayniqsa, birinchi bo‘limning dastlabki 30 daqiqasida yaxshi harakat qildik. 2-bo‘limdagi o‘yinimiz pasayishiga bir qator detallar sabab bo‘ldi. Shulardan biri - ob-havo. Yigitlardan mamnunman.

Kombinasion o‘yin ko‘rsatishimiz yoki ko‘rsatmasligimizda Shomurodovning katta ahamiyat kasb etmaydi. Albatta, u bo‘lsa bizga osonroq bo‘lishi mumkin. Biz ko‘proq himoyadan tezkor paslar orqali chiqishimiz kerakligini avval ham aytganman. Shu borada ishlashda davom etamiz.

Terma jamoamizning asosiy muammosi jismoniy muammo ekanligini avval ham aytib o‘tganman. Osiyo kubogiga hali 6 oy bor barcha futbolchilar ungacha o‘zini ustida ishlab, jismoniy tomondan yaxshilanishga harakat qilishi kerak.

Bobir Abduxoliqov maydonga tushmaganida hech qanday muammo ko‘rmayapman. Balki, keyingi o‘yinda maydonda ko‘rarmiz. Buni bilmayman", — dedi Katanes.