Angliya terma jamoasi 2024 yilgi Yevropa chempionatiga saralash o‘yinlari oldidan ikki futbolchisini yo‘qotdi, deb xabar bermoqda jamoa matbuot xizmati. Bular "Brayton" himoyachisi Lyuis Dank va "Real"ning bo‘lajak yarim himoyachisi Jud Bellingem.
Eslatib o‘tamiz, Garet Sautgeyt shogirdlari Yevro-2024 saralash bosqichi doirasidagi iyun o‘yinlarini Malta va Shimoliy Makedoniya terma jamoalariga qarshi o‘tkazadi. O‘yin sanalari mos ravishda 16 va 19 iyun.