"Inter" yarim himoyachisi Genrix Mxitaryan jamoasining Chempionlar ligasi finalida "Manchester Siti"ga qarshi o‘yindagi mag‘lubiyati (0:1) haqida fikr bildirdi.
"Albatta, kechagi mag‘lubiyatga loyiq emasdik. Mag‘lubiyat hissi hali ham achchiqlikni keltirib chiqaradi. Chempionlar ligasida g‘alaba qozonish har bir futbolchining bolalik orzusi va bizning orzumiz juda katta edi. Qo‘llab-quvvatlaganingiz uchun barchangizga rahmat. Olg‘a, "Inter"!", — deb post qoldirdi Mxitaryan ijtimoiy tarmoqda.
Mxitaryan Chempionlar Ligasi finalida o‘ynagan tarixdagi birinchi arman futbolchisi bo‘ldi.
“Manchester Siti” ilk bor Chempionlar ligasida g‘olib chiqdi. Jamoa shuningdek treblga erishdi: Premyer-liga, Angliya kubogi va Chempionlar ligasida.
