"Интер" ярим ҳимоячиси Генрих Мхитарян жамоасининг Чемпионлар лигаси финалида "Манчестер Сити"га қарши ўйиндаги мағлубияти (0:1) ҳақида фикр билдирди.
"Албатта, кечаги мағлубиятга лойиқ эмасдик. Мағлубият ҳисси ҳали ҳам аччиқликни келтириб чиқаради. Чемпионлар лигасида ғалаба қозониш ҳар бир футболчининг болалик орзуси ва бизнинг орзумиз жуда катта эди. Қўллаб-қувватлаганингиз учун барчангизга раҳмат. Олға, "Интер"!", — деб пост қолдирди Мхитарян ижтимоий тармоқда.
Мхитарян Чемпионлар Лигаси финалида ўйнаган тарихдаги биринчи арман футболчиси бўлди.
“Манчестер Сити” илк бор Чемпионлар лигасида ғолиб чиқди. Жамоа шунингдек треблга эришди: Премьер-лига, Англия кубоги ва Чемпионлар лигасида.
