“An-Nasr” hujumchisi Krishtianu Ronaldu olti oydan beri o‘ynab kelayotgan Saudiya Arabistoni ligasi haqida gapirdi.
"Benzemaning kelishidan hayron emasman va butun dunyo odamlari Saudiya ligasini tomosha qilayotganidan juda xursandman. Ishonamanki, chempionat rivojlanadi va bu yerga Yevropa ligalaridan ko‘plab futbolchilar keladi.
Bu yerda muxlislar meni ajoyib tarzda kutib olishdi. Har bir mamlakat va har bir liga har xil. Yevropaning uch xil ligasida o‘ynaganimdan juda faxrlanaman. Saudiya Arabistonidagi eng kutilmagan holat issiqlik va turli o‘zgaruvchan jadvallardir.
Keyinroq havo salqinlashganda mashq qilamiz. Ammo men bunga allaqachon o‘rganib qolganman", - dedi Ronaldu.
