“Ан-Наср” ҳужумчиси Криштиану Роналду олти ойдан бери ўйнаб келаётган Саудия Арабистони лигаси ҳақида гапирди.
"Бенземанинг келишидан ҳайрон эмасман ва бутун дунё одамлари Саудия лигасини томоша қилаётганидан жуда хурсандман. Ишонаманки, чемпионат ривожланади ва бу ерга Европа лигаларидан кўплаб футболчилар келади.
Бу ерда мухлислар мени ажойиб тарзда кутиб олишди. Ҳар бир мамлакат ва ҳар бир лига ҳар хил. Европанинг уч хил лигасида ўйнаганимдан жуда фахрланаман. Саудия Арабистонидаги энг кутилмаган ҳолат иссиқлик ва турли ўзгарувчан жадваллардир.
Кейинроқ ҳаво салқинлашганда машқ қиламиз. Аммо мен бунга аллақачон ўрганиб қолганман", - деди Роналду.
