"Manchester Siti" darvozaboni Shtefan Ortega yozda jamoani tark etish niyatida emasligini aytdi.
“Keyingi mavsumda qolamanmi? Menimcha, ha. Biz Manchesterga endigina joylashdik, moslashish biroz vaqt oldi. Aytishim kerakki, bu yerda barchasi juda yaxshi, - dedi Ortega.
Ortega "Manchester Siti"ga 2022 yilning yozida "Arminiya"dan tekinga o‘tgan edi. Darvozabon ingliz klubi safida 14 ta o‘yinda 7 ta gol o‘tkazib yuborgan.
"Manchester Siti" bilan birgalikda Ortega Angliya chempioni, mamlakat kubogi, shuningdek, Chempionlar ligasi g‘olibiga aylandi. 30 yoshli germaniyalikning klub bilan shartnomasi 2025 yilning iyun oyi oxirigacha amal qiladi.
