"Манчестер Сити" дарвозабони Штефан Ортега ёзда жамоани тарк этиш ниятида эмаслигини айтди.
“Кейинги мавсумда қоламанми? Менимча, ҳа. Биз Манчестерга эндигина жойлашдик, мослашиш бироз вақт олди. Айтишим керакки, бу ерда барчаси жуда яхши, - деди Ортега.
Ортега "Манчестер Сити"га 2022 йилнинг ёзида "Арминия"дан текинга ўтган эди. Дарвозабон инглиз клуби сафида 14 та ўйинда 7 та гол ўтказиб юборган.
"Манчестер Сити" билан биргаликда Ортега Англия чемпиони, мамлакат кубоги, шунингдек, Чемпионлар лигаси ғолибига айланди. 30 ёшли германияликнинг клуб билан шартномаси 2025 йилнинг июнь ойи охиригача амал қилади.
