Hozirda Angliyaning “Brayton” klubi ustozi bo‘lib ishlayotgan italiyalik mutaxassis Roberto de Dzerbi “Sassuolo” klubida o‘zining birinchi yuksak qadamlarini qo‘ydi. Uning qo‘l ostida jamoa ajoyib futbol ko‘rsatdi. De Dzerbining so‘zlariga ko‘ra, u o‘sha paytda hozirda "Milan" jamoasida o‘ynayotgan Sandro Tonalini "Sassuolo" jamoasiga olishni juda xohlagan.
"Agar yana "Sassuolo"da qoladigan bo‘lsam, tarkibda Tonalini ko‘rmoqchi edim. U "Breshia"dagi o‘yinlari bilan menga yoqqandi. Men uning potensialini o‘shanda ko‘rganman", - dedi de Dzerbi pianetamilan.it bilan suhbatda.
Tonali 2020 yildan beri "Milan" safida o‘ynamoqda, o‘tgan yili u klub bilan Italiya chempioniga aylangan.