Italiya terma jamoasi bosh murabbiyi Roberto Manchini Millatlar ligasi yarim finalida Ispaniyaga qarshi o‘yindan oldingi fikrlari bilan o‘rtoqlashdi.
"Yoshlardan yaxshi futbol ko‘rsatishini kutamiz. Bu futbolchilar yosh, ularga vaqt va o‘yin amaliyoti kerak. Biz o‘zgarishlarga umid qilamiz va kelajak uchun futbolchilarni o‘stiramiz. Bu kubokni qo‘lga kiritish muhim, chunki biz final turnirida ikkinchi marta ishtirok etmoqdamiz. Fantastik darajadagi texnik o‘yinchilarga ega Ispaniya terma jamoasiga qarshi o‘ynash har doim qiyin. Ular bilan har bir uchrashuv juda qiyin. Yevro-2020dan keyin biz bir qator futbolchilarni almashtirdik, Millatlar ligasining guruh bosqichini ko‘plab yosh futbolchilar bilan o‘tkazdik. Menimcha, ular yaxshi ish qilishdi. Biz Millatlar Ligasi finaliga ikkinchi bor chiqdik va bu guruh bosqichiga ko‘plab yosh futbolchilarni jalb qilganimizni hisobga olsak, bu munosib yutuq", — dedi Manchini UYEFA rasmiy saytiga.
