Италия терма жамоаси бош мураббийи Роберто Манчини Миллатлар лигаси ярим финалида Испанияга қарши ўйиндан олдинги фикрлари билан ўртоқлашди.
"Ёшлардан яхши футбол кўрсатишини кутамиз. Бу футболчилар ёш, уларга вақт ва ўйин амалиёти керак. Биз ўзгаришларга умид қиламиз ва келажак учун футболчиларни ўстирамиз. Бу кубокни қўлга киритиш муҳим, чунки биз финал турнирида иккинчи марта иштирок этмоқдамиз. Фантастик даражадаги техник ўйинчиларга эга Испания терма жамоасига қарши ўйнаш ҳар доим қийин. Улар билан ҳар бир учрашув жуда қийин. Евро-2020дан кейин биз бир қатор футболчиларни алмаштирдик, Миллатлар лигасининг гуруҳ босқичини кўплаб ёш футболчилар билан ўтказдик. Менимча, улар яхши иш қилишди. Биз Миллатлар Лигаси финалига иккинчи бор чиқдик ва бу гуруҳ босқичига кўплаб ёш футболчиларни жалб қилганимизни ҳисобга олсак, бу муносиб ютуқ", — деди Манчини УЕФА расмий сайтига.
