"Inter" darvozaboni Andre Onana "Manchester Yunayted" qiziqishlari doirasiga tushgan. Bu haqda The Guardian o‘z sahifalarida yozadi.
Avvalroq, mish-mishlar Onanani "Chelsi" bilan bog‘lagan edi.
"Manchester Yunayted" bu yozda darvozabon sotib olmoqchi va Onana "qizil iblislar" ro‘yxatida bor. U yerda "Portu"da o‘ynayotgan Diogu Koshtani ham topish mumkin.
Ko‘p yillardan buyon "Manchester Yunayted"ning asosiy darvozaboni David de Xea bo‘lib kelmoqda. So‘nggi paytlarda ispaniyalik muntazam xatolarga yo‘l qo‘ymoqda, shuning uchun "mankunianliklar" yangi darvozabonga umid qilmoqda.
Eslatib o‘tamiz, transfermarkt portali 27 yoshli Onanani 35 million yevroga baholamoqda.
