"Интер" дарвозабони Андре Онана "Манчестер Юнайтед" қизиқишлари доирасига тушган. Бу ҳақда The Guardian ўз саҳифаларида ёзади.
Аввалроқ, миш-мишлар Онанани "Челси" билан боғлаган эди.
"Манчестер Юнайтед" бу ёзда дарвозабон сотиб олмоқчи ва Онана "қизил иблислар" рўйхатида бор. У ерда "Порту"да ўйнаётган Диогу Коштани ҳам топиш мумкин.
Кўп йиллардан буён "Манчестер Юнайтед"нинг асосий дарвозабони Давид де Хеа бўлиб келмоқда. Сўнгги пайтларда испаниялик мунтазам хатоларга йўл қўймоқда, шунинг учун "манкунианликлар" янги дарвозабонга умид қилмоқда.
Эслатиб ўтамиз, transfermarkt портали 27 ёшли Онанани 35 миллион еврога баҳоламоқда.