"Manchester Siti" va Ilkay Gyundogan haligacha yangi shartnoma shartlari bo‘yicha kelishib olishmagan.
Yarim himoyachining shartnomasi ikki haftadan keyin tugaydi. “Shaharliklar” rahbariyati hali ham 32 yoshli futbolchi bilan yangi shartnoma tuzishga umid qilmoqda, biroq uning shartlari bo‘yicha kelisha olmayapti. Sky Sports xabariga ko‘ra, "Siti" Gyundoganga yana bir yilga uzaytirish imkoniyati bilan bir yillik shartnoma taklif qilmoqda, bu esa jamoa sardoriga yoqmayapti.
Qayd etilishicha, boshqa klublar yarim himoyachi bilan uzoqroq shartnoma tuzishga tayyor. Da’vogarlar orasida Londonning "Arsenal" va "Barselona" klublari bor.