"Манчестер Сити" ва Илкай Гюндоган ҳалигача янги шартнома шартлари бўйича келишиб олишмаган.
Ярим ҳимоячининг шартномаси икки ҳафтадан кейин тугайди. “Шаҳарликлар” раҳбарияти ҳали ҳам 32 ёшли футболчи билан янги шартнома тузишга умид қилмоқда, бироқ унинг шартлари бўйича келиша олмаяпти. Sky Sports хабарига кўра, "Сити" Гюндоганга яна бир йилга узайтириш имконияти билан бир йиллик шартнома таклиф қилмоқда, бу эса жамоа сардорига ёқмаяпти.
Қайд этилишича, бошқа клублар ярим ҳимоячи билан узоқроқ шартнома тузишга тайёр. Даъвогарлар орасида Лондоннинг "Арсенал" ва "Барселона" клублари бор.
