"Arsenal" "Vest Xem" yarim himoyachisi Deklan Raysni o‘z safiga qo‘shib olmoqchi.
Payshanba kuni ma’lum bo‘lishicha, "bolg‘achilar" "kanonirlar"ning birinchi taklifini ularning talablariga javob bermagani uchun rad etishgan. TS xabariga ko‘ra, "Arsenal" allaqachon yaxshilangan taklifni yuborgan. Ba’zi ma’lumotlarga ko‘ra, "Vest Xem" o‘z sardorini sotishdan taxminan 115 million yevro ishlab olishni kutmoqda.
Deklan Raysning amaldagi shartnomasi bir yildan keyin tugaydi. Yakunlangan mavsumda 50 ta o‘yinida 24 yoshli ingliz futbolchisi beshta gol va to‘rtta golli uzatmani amalga oshirdi. Transfermarkt futbolchini 80 million yevroga baholamoqda.