"Арсенал" "Вест Хэм" ярим ҳимоячиси Деклан Райсни ўз сафига қўшиб олмоқчи.

Пайшанба куни маълум бўлишича, "болғачилар" "канонирлар"нинг биринчи таклифини уларнинг талабларига жавоб бермагани учун рад этишган. TS хабарига кўра, "Арсенал" аллақачон яхшиланган таклифни юборган. Баъзи маълумотларга кўра, "Вест Хэм" ўз сардорини сотишдан тахминан 115 миллион евро ишлаб олишни кутмоқда.

Деклан Райснинг амалдаги шартномаси бир йилдан кейин тугайди. Якунланган мавсумда 50 та ўйинида 24 ёшли инглиз футболчиси бешта гол ва тўртта голли узатмани амалга оширди. Transfermarkt футболчини 80 миллион еврога баҳоламоқда.