O‘zbekiston U-17 terma jamoasi bosh murabbiyi Jamoliddin Rahmatullayev Osiyo kubogi oldidan tashkil etilgan matbuot anjumanida ishtirok etdi.

U-17 Osiyo kubogi haqida:

Barchaga assalomu alaykum. Avvalambor turnir tashkilotchilariga minnatdorchilik bildirmoqchiman. Jamoalar uchun barcha sharoitlar yaratilgan. Biz bu turnirni intizorlik bilan kutdik. Jamoa tomonidan musobaqaga uzoq tayyorgarlik ko‘rildi. Futbolchilar esa ertangi uchrashuvni intizorlik bilan kutishmoqda. Umuman olganda, biz turnirga tayyormiz.

Turnirga tayyorgarlik haqida:

Tayyorgarlik juda yaxshi o‘tdi deya olaman. Osiyo, Yevropa va Janubiy Amerikaning eng kuchli jamoalariga qarshi o‘rtoqlik uchrashuvlarini o‘tkazdik.

Raqiblar haqida:

Barcha jamoalarni hurmat qilamiz, o‘ylashimcha, ularni yetarlicha o‘rganishga harakat qildik. Yaponiya va Hindiston terma jamoalariga qarshi oldin o‘ynaganmiz va bir-birimizni yaxshi bilamiz. Ushbu musobaqada barcha jamoalar o‘z oldiga aniq maqsadlar qo‘yishgan. Xususan, biz ham. Musobaqada zafar quchib, Jahon chempionatiga yo‘l olishni maqsad qilganmiz. Barcha jamoalarga omad tilayman.