"Ayntraxt" hujumchisi Randal Kolo-Muani ko‘plab Yevropa gigantlari qiziqishlari doirasida.
Shu bilan birga, nemis klubi 24 yoshli futbolchining narxini 100 million yevroga oshirib qo‘ydi. Bu haqda The Athletic nashri xabar bermoqda.
Aytish joizki, mish-mishlar Kolo-Muanini "Manchester Yunayted", "Chelsi", "Real" va "Bavariya" kabi klublar bilan bog‘laydi.
Randal Kolo-Muani 2022/2023-yilgi mavsumda Frankfurtning “Ayntraxt” klubi safida 46 ta o‘yinda maydonga tushib, 23 ta gol va 17 ta golli uzatmaga mualliflik qilgan. Jamoa Bundesliga turnir jadvalida yettinchi o‘rinni egallab, Konferensiyalar ligasiga yo‘llanma oldi.