Markaziy himoyachi Serxio Ramos professional faoliyatini boshlagan "Sevilya"ga qaytish niyatida. Mundo Deportivo xabariga ko‘ra, ispaniyalik o‘z xizmatlarini andalusiyaliklarga taklif qilgan. Futbolchi rahbariyat bilan akasi, shuningdek, Ramos uzoq vaqtdan beri tanish bo‘lgan andalusiyaliklar sardori Xesus Navas vositachiligida bog‘langan.
"Sevilya" hozircha Serxioga ehtimoliy hamkorlik borasida javob bermadi. 37 yoshli himoyachi shartnomasi yakunlanganidan so‘ng "PSJ"ni tark etib, erkin agentga aylandi.
Ramos "Sevilya" tarbiyalanuvchisi bo‘lib, 2005 yilning yozida "Real"ga ketgunga qadar jamoa safida barcha musobaqalarda 45 ta o‘yin o‘tkazishga muvaffaq bo‘lgan.
