Марказий ҳимоячи Серхио Рамос профессионал фаолиятини бошлаган "Севилья"га қайтиш ниятида. Mundo Deportivo хабарига кўра, испаниялик ўз хизматларини андалусияликларга таклиф қилган. Футболчи раҳбарият билан акаси, шунингдек, Рамос узоқ вақтдан бери таниш бўлган андалусияликлар сардори Хесус Навас воситачилигида боғланган.
"Севилья" ҳозирча Серхиога эҳтимолий ҳамкорлик борасида жавоб бермади. 37 ёшли ҳимоячи шартномаси якунланганидан сўнг "ПСЖ"ни тарк этиб, эркин агентга айланди.
Рамос "Севилья" тарбияланувчиси бўлиб, 2005 йилнинг ёзида "Реал"га кетгунга қадар жамоа сафида барча мусобақаларда 45 та ўйин ўтказишга муваффақ бўлган.