Argentinalik mutaxassis Marselo Galyardo Fransiyaning “Marsel” klubini boshqarishi mumkin. Le Phoceen xabariga ko‘ra, tomonlar yaqin vaqt ichida shartnoma imzolaydi.
"Marsel" prezidenti Pablo Longoriya bu ma’lumotni rad etdi, ammo nashr jurnalistlari Galyardo bu taklifga rozilik berganini ta’kidlamoqda. Balki provansliklar klubi xo‘jayini shartnoma imzolash paytida keraksiz shov-shuvlarga yo‘l qo‘ymaslik uchun maxfiylikni saqlamoqchidir.
"River Pleyt" bilan sezilarli muvaffaqiyatlarga erishgan mutaxassisning "Marsel" bazasiga kelishi 16 iyun oqshomida kutilgandi. Longoriya 3 iyulgacha yangi murabbiy nomini e’lon qilishga va’da berdi.
