Аргентиналик мутахассис Марсело Гальярдо Франциянинг “Марсель” клубини бошқариши мумкин. Le Phoceen хабарига кўра, томонлар яқин вақт ичида шартнома имзолайди.
"Марсель" президенти Пабло Лонгория бу маълумотни рад этди, аммо нашр журналистлари Гальярдо бу таклифга розилик берганини таъкидламоқда. Балки провансликлар клуби хўжайини шартнома имзолаш пайтида кераксиз шов-шувларга йўл қўймаслик учун махфийликни сақламоқчидир.
"Ривер Плейт" билан сезиларли муваффақиятларга эришган мутахассиснинг "Марсель" базасига келиши 16 июнь оқшомида кутилганди. Лонгория 3 июлгача янги мураббий номини эълон қилишга ваъда берди.
