"Chelsi" yarim himoyachisi Chezare Kazadei kelasi mavsumni Turinning "Yuventus" klubida ijara asosida o‘tkazishi mumkin. Insayder Jovanni Albanezening xabariga ko‘ra, "keksa sinyora" yarim himoyachini bir mavsumga ijaraga olishga tayyor.
Kazadei yaqinda U20 Jahon chempionatining eng yaxshi to‘purari va eng yaxshi futbolchisiga aylandi, uning Italiya terma jamoasi finalga chiqdi, biroq hal qiluvchi o‘yinda Urugvayga mag‘lub bo‘ldi.
Kazadei o‘tgan yozda "Inter"dan "Chelsi"ga ko‘chib o‘tgandi, ammo hali London klubida debyut qilgani yo‘q. Italiyalik futbolchi 2022/23 yilgi mavsumning ikkinchi yarmini "Reding" safida ijara asosida o‘tkazdi va u Chempionshipda bitta gol urdi.