"Espanyol" hujumchisi Xoselu "Real"ga ijara asosida o‘tadi, bu haqda taniqli insayder Fabrisio Romano aytdi.

Manbaga ko‘ra, "Real Madrid" 33 yoshli hujumchining ijarasi uchun 500 ming yevro to‘laydi. Shartnoma 1,5 million yevroga sotib olish variantini o‘z ichiga oladi. Madridliklar bilan kelishuvga erishish uchun Xoselu maoshini kamaytirdi.

Xoselu o‘tgan yozdan beri "Espanyol"da to‘p tepmoqda. O‘tgan mavsumda u jamoa safida 38 ta o‘yinda maydonga tushib, 17 ta gol urdi va 4 ta golga assistentlik qildi.

Shu yilning mart oyida hujumchi Ispaniya terma jamoasida debyut qilgandi. O‘shandan beri u terma jamoa safida uchta o‘yinda uchta gol urdi.