"Atletiko Paranaense" hujumchisi "Barselona"ga o‘tishga yaqin turibdi.
Taniqli jurnalist Fabrisio Romanoning xabar berishicha, Kataloniya klubi 18 yoshli braziliyalik bilan mehnat shartnomasi shartlarini kelishib olgan. Rokening o‘zi haqiqatan ham ispan grandiga o‘tishni xohlaydi va kelishuv butunlay yopilishini kutmoqda. Ammo, ta’kidlanishicha, "Barselona" haligacha "Atletiko Paranaense" bilan transfer summasi borasida kelisha olmagan. Qo‘shimcha qilamiz, Rokening klub bilan shartnomasida 100 million yevrolik tovon puli summasi ko‘rsatilgan.
Joriy mavsumda yosh hujumchi barcha turnirlarni inobatga olgan holda 25 uchrashuvda 10 ta gol urdi va 5 ta golli uzatmani amalga oshirdi.