"Атлетико Паранаэнсе" ҳужумчиси "Барселона"га ўтишга яқин турибди.
Таниқли журналист Фабрицио Романонинг хабар беришича, Каталония клуби 18 ёшли бразилиялик билан меҳнат шартномаси шартларини келишиб олган. Рокенинг ўзи ҳақиқатан ҳам испан грандига ўтишни хоҳлайди ва келишув бутунлай ёпилишини кутмоқда. Аммо, таъкидланишича, "Барселона" ҳалигача "Атлетико Паранаэнсе" билан трансфер суммаси борасида келиша олмаган. Қўшимча қиламиз, Рокенинг клуб билан шартномасида 100 миллион евролик товон пули суммаси кўрсатилган.
Жорий мавсумда ёш ҳужумчи барча турнирларни инобатга олган ҳолда 25 учрашувда 10 та гол урди ва 5 та голли узатмани амалга оширди.