"Barselona" Samuel Umtitini tezroq boshqa klubga yubormoqchi.
Diario Sport xabariga ko‘ra, "ko‘k-anorranglilar" fransiyalik futbolchining agentlarini oy oxirigacha maosh xarajatlarini kamaytirish niyatida yangi jamoa izlashga chaqirgan.
"Barselona" 29 yoshli futbolchi "Lion" va nomi oshkor etilmagan Italiya tomoni bilan muzokaralar olib borayotganidan xabardor, ammo Saudiya Arabistoni variantining paydo bo‘lishi transfer jarayonini sekinlashtirishi mumkin.
Ispaniya chempioni rahbariyati uning 2026 yilgacha hisoblangan shartnomasidan qutulmoqchi, biroq shu bilan birga ma’lum miqdorda daromad ham olmoqchi. Aks holda, hech qanday cheklovlar yo‘q.
