"Барселона" Самуэль Умтитини тезроқ бошқа клубга юбормоқчи.
Diario Sport хабарига кўра, "кўк-анорранглилар" франциялик футболчининг агентларини ой охиригача маош харажатларини камайтириш ниятида янги жамоа излашга чақирган.
"Барселона" 29 ёшли футболчи "Лион" ва номи ошкор этилмаган Италия томони билан музокаралар олиб бораётганидан хабардор, аммо Саудия Арабистони вариантининг пайдо бўлиши трансфер жараёнини секинлаштириши мумкин.
Испания чемпиони раҳбарияти унинг 2026 йилгача ҳисобланган шартномасидан қутулмоқчи, бироқ шу билан бирга маълум миқдорда даромад ҳам олмоқчи. Акс ҳолда, ҳеч қандай чекловлар йўқ.
