Himoyachi Xarri Maguayr yozgi transfer oynasida “Manchester Yunayted”ni tark etishi mumkin. Futbolchi Erik ten Xag jamoasida qolib, tarkibdan joy uchun kurashishni istaydi, ammo Yevro-2024 yaqinlashayotgan bir paytda Maguayr uchun imkon qadar ko‘proq o‘ynash muhim. INews xabariga ko‘ra, 30 yoshli himoyachi ijara asosida "Aston Villa"ga o‘tishi mumkin.
Aytish joizki, “Aston Villa” 2023/2024 yilgi mavsumda yevrokuboklarda ishtirok etadi – jamoa Konferensiyalar ligasiga yo‘llanma oldi.
Qo‘shimcha qilamizki, Transfermarkt portali mutaxassislari Xarri Maguayrni 25 million yevroga baholamoqda.