Ҳимоячи Харри Магуайр ёзги трансфер ойнасида “Манчестер Юнайтед”ни тарк этиши мумкин. Футболчи Эрик тен Хаг жамоасида қолиб, таркибдан жой учун курашишни истайди, аммо Евро-2024 яқинлашаётган бир пайтда Магуайр учун имкон қадар кўпроқ ўйнаш муҳим. INews хабарига кўра, 30 ёшли ҳимоячи ижара асосида "Астон Вилла"га ўтиши мумкин.
Айтиш жоизки, “Астон Вилла” 2023/2024 йилги мавсумда еврокубокларда иштирок этади – жамоа Конференциялар лигасига йўлланма олди.
Қўшимча қиламизки, Transfermarkt портали мутахассислари Харри Магуайрни 25 миллион еврога баҳоламоқда.