Angliya Premyer-ligasida qatnashayotgan 20 ta klub o‘tgan mavsum davomida jami 251 ta futbolchini sotib olgan edi. Ularning ayrimlar omadsiz (masalan, Ueston Makkenni), ba’zilari mantiqsiz (masalan, Artur Melo), ko‘pchiligi esa ancha samarali xarid sifatida e’tirof etildi. Quyida shunday omadli transferlarning 10 tasi e’tiboringizga havola etiladi.
10. Oleksandr Zinchenko ("Manchester Siti"dan 30 million funtga)
Bu xarid "Arsenal"ning o‘yin uslubini tubdan o‘zgartirib yuborgan edi. Shu sabab uni yaxshi tanlov deyish mumkin. Maydonda yarim himoyachi vazifasini bajargan ukrainalik futbolchi, "Arsenal"ning titul poygasida katta hajmdagi ishni bajardi.
9. Manuel Akanji ("Borussiya Dortmund"dan 15 million funtga)
Agar Akanjining Germaniyadagi davri bilan "Manchester Siti"dagi o‘yinini solishtirsak, osmon bilan yercha farqni ko‘rishimiz mumkin. U "shaharliklar" safida foydali futbolchiga aylandi. Gvardiola uni shunday o‘ringa joylashtirdi. Markaziy himoyada shveysariyalik futbolchi fantastik o‘yinlar namoyish etib, titullar yutishga muvaffaq bo‘ldi.
8. Morgan Gibbs-Uayt ("Vulvz"dan 42.5 million funtga)
"Sautgempton"ga qarshi bahsda bajargan tovon bilan berilgan pas ortidan Morgan bu ro‘yxatga kirishga munosib topildi. Hujum vakili mavsum davomida 64 ta golli vaziyat yaratib, 229 ta pasni raqib jarima maydonchasi ichiga muvaffaqiyatli oshirdi. U, shuningdek, "Nottingem"ni APLda qolishida muhim vazifani bajargan edi.
7. Lisandro Martines ("Ayaks"dan 48.5 million funtga)
"U kichkina", "Uning bo‘yi yosh bolalarniki kabi", "Himoyada unga pishirib qo‘yibdimi!"...
Bu kabi tanqidiy fikrlar Lisandroga nisbatan 2022 yilning avgust oyida bildiriladi. Hozir esa biror inson o‘sha gaplarni takrorlay olmaydi. Nega ekanini esa futbol muxlisi bo‘lsangiz, yaxshi bilasiz.
6. Joau Palinya ("Sporting"dan 20 million funt evaziga)
20 million evaziga "Fulxem" o‘ziga APLdagi eng yaxshi yarim himoyachilardan birini sotib oldi. Palinya Angliyaga kelganidan beri ajoyib o‘yin ko‘rsatmoqda. Uning raqibdan to‘pni olib qo‘yish ko‘rsatkichi 50 foizdan balandroq va bu eng yaxshi natijadir.
5. Tayvo Avoni ("Union Berlin"dan 17.5 million funtga)
"Nottingem Forest" Avonini gollar urib, APLda bizni olib qoladi degan umid bilan xarid qiladi. Mavsum so‘nggida bu umidlar ro‘yobga chiqdi. Ingliz hujumchisi so‘nggi beshta turda 6 ta gol urishga erishdi.
4. Sven Botman ("Lill"dan 31.8 million funtga)
"Nyukasl" Botman uchun "Milan" bilan kurashib, g‘olib chiqqandi. Oradan 12 oy o‘tib, futbolchi uchun sarflagangan pullar o‘zini oqlagani ayon bo‘ldi. Markaziy himoyachi "qarg‘alar" himoyasidan ishonchli vakil sifatida joy oldi.
3. Kazemiro ("Real"dan 70 million funtga)
Kazemironing kimligini butun dunyo biladi. Uning ko‘chishidan eng ko‘p "MYU" yaxshi natijalar kutgandi. Bu umidlar to‘liq oqlandi. Besh karra YECHL g‘olibi o‘ziga yuklatilgan vazifani ortig‘i bilan ado etib kelmoqda.
2. Nik Poup ("Byornli"dan 10 million funtga)
10 million sarflangan darvozabon APLda mavsumini eng kam gol o‘tkazish bilan yakunladi. Angliya terma jamoasi a’zosi ikki marta oy seyvi nominasiyasida g‘olib chiqqandi. "Nyukasl" o‘ziga kerakli kiperni topgani shundoq ayon bo‘ldi.
1. Erling Xoland ("Borussiya Dortmund"dan 51.2 million funtga)
Nega Erling Xoland mavsum transferi bo‘ldi deb so‘rayapsizmi? Bunga javobni quyida topasiz!
2022-23 yilgi mavsum uchun shaxsiy sovrinlar:
-Angliyada Yil o‘yinchisi
-APL mavsum futbolchisi
-APLning eng yaxshi yosh futbolchisi
-APL "Oltin butsa" sovrini
-APLning bir mavsumida eng ko‘p gol urgan futbolchisi
-ECHLda 30 ta gol urgan eng yosh futbolchi...
ISMATOV J.
