"Chelsi" bitta hujumchi sotib olish bilan cheklanib qolmaydi.
London klubi "Vilyarreal"dan hujumchi Nikolas Jeksonni sotib olmoqchi - kelishuv 35 million yevroga baholanmoqda. Shunga qaramay, 90min xabariga ko‘ra, "Chelsi" hali ham Viktor Osimxenni sotib olish ustida ishlamoqchi, "Napoli" uning uchun 150 million yevro talab qilmoqda. 24 yoshli nigeriyalik futbolchiga Yevropa futbolining boshqa gigantlari, jumladan, "Manchester Yunayted" ham da’vogarlik qilmoqda.
Viktor Osimxen o‘tgan mavsumda “Napoli” safida 39 ta o‘yinda maydonga tushib, 31 ta gol urdi. U 26 ta gol bilan A Seriyaning eng yaxshi to‘purariga aylandi.