"Челси" битта ҳужумчи сотиб олиш билан чекланиб қолмайди.

Лондон клуби "Вильярреал"дан ҳужумчи Николас Жексонни сотиб олмоқчи - келишув 35 миллион еврога баҳоланмоқда. Шунга қарамай, 90min хабарига кўра, "Челси" ҳали ҳам Виктор Осимхенни сотиб олиш устида ишламоқчи, "Наполи" унинг учун 150 миллион евро талаб қилмоқда. 24 ёшли нигериялик футболчига Европа футболининг бошқа гигантлари, жумладан, "Манчестер Юнайтед" ҳам даъвогарлик қилмоқда.

Виктор Осимхен ўтган мавсумда “Наполи” сафида 39 та ўйинда майдонга тушиб, 31 та гол урди. У 26 та гол билан А Сериянинг энг яхши тўпурарига айланди.