"Milan" va "PSJ" Markus Tyuramni qo‘lga kiritish uchun kurashadi.
Eslatib o‘tamiz, aprel oyida Myonxengladbaxning "Borussiya" klubi Tyuram mavsum oxirida klubni erkin agent sifatida tark etishini tasdiqlagan edi.
La Gazette Dello Sport xabariga ko‘ra, "Milan" Myonxengladbaxning "Borussiya" klubi hujumchisiga soliq to‘langanidan keyin yiliga 4,5 million yevro maosh oladigan 4 yillik shartnoma taklif qilmoqda. Ayni vaqtda Italiya klubida Tyuramga asosiy tarkibdan joy vada qilingan.
Tyuramga "PSJ" ham qiziqish bildirmoqda. Parijliklar hujumchiga foydaliroq shartnoma taklif qilishmoqda, biroq Tyuram raqobatda yutqazib, zaxirada qolib ketish xavfi bor.
Avvalroq, "RB Leypsig" hujumchi bilan shartnoma imzolashga da’vo qilayotgani ham xabar qilingandi.
Markus o‘tgan mavsumda Bundesligada 30ta o‘yinda maydonga tushib, 13ta gol urgan.