"Милан" ва "ПСЖ" Маркус Тюрамни қўлга киритиш учун курашади.
Эслатиб ўтамиз, апрель ойида Мёнхенгладбахнинг "Боруссия" клуби Тюрам мавсум охирида клубни эркин агент сифатида тарк этишини тасдиқлаган эди.
La Gazette Dello Sport хабарига кўра, "Милан" Мёнхенгладбахнинг "Боруссия" клуби ҳужумчисига солиқ тўланганидан кейин йилига 4,5 миллион евро маош оладиган 4 йиллик шартнома таклиф қилмоқда. Айни вақтда Италия клубида Тюрамга асосий таркибдан жой вада қилинган.
Тюрамга "ПСЖ" ҳам қизиқиш билдирмоқда. Парижликлар ҳужумчига фойдалироқ шартнома таклиф қилишмоқда, бироқ Тюрам рақобатда ютқазиб, захирада қолиб кетиш хавфи бор.
Аввалроқ, "РБ Лейпциг" ҳужумчи билан шартнома имзолашга даъво қилаётгани ҳам хабар қилинганди.
Маркус ўтган мавсумда Бундеслигада 30та ўйинда майдонга тушиб, 13та гол урган.