Ispaniya terma jamoasi Rotterdamda bo‘lib o‘tgan Xorvatiyaga qarshi o‘yinda penaltilar seriyasida g‘alaba qozonib, Yevropa millatlar ligasi musobaqasi g‘olibiga aylandi.
Ushbu g‘alaba tufayli Ispaniya qirollik futbol federasiyasi UEFAdan 12 million yevro miqdorida mukofot pulini oladi. Xorvatiya esa 9 million yevroga ega bo‘ladi.
Musobaqada 3-o‘rinni band etgan Italiya 8, to‘rtinchi o‘rinda qolgan Niderlandiya esa 7 million yevro pulni qo‘lga kiritadi.
Bundan tashqari, bu jamoalar A ligada o‘z guruhlarida g‘olib chiqqani uchun 1,5 million yevrodan olgandi.
